ລະດັບຄາດໝາຍຂອງບົດອະທິບາຍ ແມ່ນຫຍັງ?

ບົດອະທິບາຍປະເພດໃດກໍຕາມຈະຕ້ອງປະກອບດ້ວຍ 3 ພາກສ່ວນຄື: ຕັ້ງບັນຫາ, ແກ້ ໄຂບັນຫາ ແລະ ສະຫຼຸບບັນຫາ. ບົດອະທິບາຍຈະຕ້ອງມີເນື້ອໃນອຸດົມສົມບູນ ແລະ ຖືກຕ້ອງ ເຊິ່ງສະເໜີບັນຫາໄດ້ ຫຼາຍດ້ານ ຫຼາຍແງ່ມີເຫດຜົນພຽງພໍ, ອ້າງຫຼັກຖານໄດ້ຫຼາຍ ເພື່ອປະກອບໃຫ້ທິດສະດີແໜ້ນ. ບົດອະທິບາຍທີ່ຖືກຕ້ອງຈະຕ້ອງແມ່ນບົດທີ່ມີທິດສະດີ ແລະ ເນື້ອໃນແນວຄິດກ້າວໜ້າ. ຮູບການຂອງບົດອະທິບາຍ ຕ້ອງສະເໜີຕາມວິທີຄົ້ນຄິດຕຶກຕອງຢ່າງຈະແຈ້ງ ໝາຍຄວາມວ່າ ຕ້ອງຈັດວາງເປັນລໍາດັບໃຫ້ເໝາະສົມ ແລະ ຖືກຕ້ອງ. ການໃຊ້ສັບພາສາຊັດເຈນ ປະໂຫຍກງ່າຍ, ກະທັດຮັດ ເພື່ອໃຫ້ຜູ້ອ່ານ ຜູ້ຟັງເຂົ້າໃຈກົງກັບແນວຄິດຂອງຜູ້ແຕ່ງ.

---

ອ້າງອີງ: ຈາກປື້ມແບບຮຽນ ພາສາລາວ ຊັ້ນມັດທະຍົມສືກສາ ປີທີ 6 2015