ຄວາມໝາຍຂອງຄໍາລາຊາສັບ ແມ່ນຫຍັງ?

ລາຊາສັບ ແປຕາມສັບວ່າ ສັບ ຫຼື ຖ້ອຍຄໍາສໍານວນສໍາລັບພະລາຊາ ຫຼື ສັບທີ່ໃຊ້ສະເພາະ ຢູ່ໃນພະລາຊະວັງ ຖ້າເປັນລາຊາສັບທົ່ວໄປແມ່ນໝາຍເຖິງ ສັບ ຫຼື ຖ້ອຍຄໍາສະເພາະບຸກຄົນ ທົ່ວໄປໃຊ້ແກ່ບຸກຄົນທີ່ເຄົາລົບຕັ້ງແຕ່ພະລາຊາ, ພະລາຊະວົງ, ພະສົງ, ຂ້າລາຊະການ ລວມໄປ ເຖິງຄໍາສຸພາບທີ່ໃຊ້ສື່ສານກັນທົ່ວໄປ.
ນອກນັ້ນຍັງໝາຍເຖິງຄໍາທີ່ສ້າງຂຶ້ນສໍາລັບໃຊ້ໃຫ້ແກ່ລາຊະວົງເປັນສໍາຄັນໂດຍໃຫ້ມີຈິດສໍານຶກ ວ່າຄວາມສູງສົ່ງ, ປະເສີດ ຫຼື ຄວາມເປັນເທບ ເພື່ອບົ່ງບອກເຖິງຊັ້ນທາງສັງຄົມທີ່ສູງດ້ວຍອຳນາດ, ຖານະ ແລະ ປາລະມີ. ຄໍາຊຸມນີ້ໄດ້ເວົ້າກ່ຽວກັບການເຄື່ອນໄຫວ, ການພົບປະ, ການຮັບປະທານ, ການກ່າວ, ອາຫານ, ການເບິ່ງຊົມ, ການເສຍຊີວິດ, ທີ່ຢູ່, ຄວາມຮູ້ສຶກ, ການສັ່ງສອນເປັນສໍາຄັນ.

---

ອ້າງອີງ: ຈາກປື້ມແບບຮຽນ ພາສາລາວ ຊັ້ນມັດທະຍົມສືກສາ ປີທີ 6 2015