ຄວາມໝາຍຂອງການອ່ານວິເຄາະວິຈານຢ່າງມີວິຈາລະນະຍານ ແມ່ນຫຍັງ?

ການອ່ານວິເຄາະວິຈານຢ່າງມີວິຈາລະນະຍານ ໝາຍເຖິງການອ່ານໂດຍໃຊ້ຄວາມຮູ້ ຫຼື ປະສົບການຂອງຕົນມາປຽບທຽບຊັ່ງຊາ ແລະ ເລືອກຕັດສິນໃຈວ່າ: ຄວາມຮູ້ ຫຼື ເລື່ອງທີ່ໄດ້ອ່ານນັ້ນ ມີຈຸດດີ, ຈຸດອ່ອນແນວໃດ ແລະ ພ້ອມທີ່ຈະໃຫ້ຄວາມຄິດເຫັນເພື່ອແກ້ໄຂຈຸດອ່ອນນັ້ນໆອີກດ້ວຍ. ການອ່ານວິເຄາະວິຈານຢ່າງມີວິຈາລະນະຍານ ເປັນການອ່ານທີ່ຕ້ອງໃຊ້ສະຕິປັນຍາ ເພື່ອຕັດສິນໃຈເລື່ອງລາວຕ່າງໆທີ່ໄດ້ອ່ານ ແລະ ມີເຫດຜົນໃນການພິຈາລະນາວ່າ ເລື່ອງທີ່ ອ່ານນັ້ນຈະເຊື່ອຖືໄດ້ຫຼາຍ ຫຼື ໜ້ອຍພຽງໃດ ແລະ ສາມາດວິເຄາະຈຸດດີ, ຈຸດອ່ອນນັ້ນໆວ່າ ເກີດຈາກຫຍັງ, ເພາະເຫດໃດ ເປັນຕົ້ນ.

ອ້າງອີງ: ຈາກປື້ມແບບຮຽນ ພາສາລາວ ຊັ້ນມັດທະຍົມສືກສາ ປີທີ 6 2015