ຄວາມໝາຍຂອງບົດພິສູດ ແມ່ນຫຍັງ?

ບົດພິສູດ ແມ່ນບົດແຕ່ງປະເພດໜຶ່ງ ເຊິ່ງໃຊ້ຫຼັກຖານຕົວຈິງມາອ້າງອີງ ແລະ ຢັ້ງຢືນ ລັກສະນະຕົວຈິງຂອງບັນຫາຕ່າງໆທີ່ຍົກຂຶ້ນມາພິສູດ. ການພິສູດບັນຫາ ແມ່ນເຮັດໃຫ້ປັນຫາ ນັ້ນຈະແຈ້ງຂຶ້ນພ້ອມທັງຢັ້ງຢືນເອົາປັນຫານັ້ນ. ໂດຍທົ່ວໄປ, ນອກຈາກບົດພິສູດແລ້ວ. ຢູ່ໃນບົດອະທິບາຍຕ່າງໆເຊັ່ນ: ບົດອະທິບາຍ ການເມືອງ, ບົດອະທິບາຍສັງຄົມ ຫຼື ບົດອະທິບາຍວັນນະຄະດີ ກໍຕ້ອງການພິສູດຄືກັນ ຕ່າງແຕ່ວ່າພິສູດໜ້ອຍ, ພິສູດຫຼາຍເທົ່ານັ້ນ. ປັນຫາທີ່ນໍາມາພິສູດສ່ວນຫຼາຍແມ່ນຄໍາສຸພາສິດ, ຄໍາຄົມ ຫຼື ຄໍາເວົ້າຂອງບຸກຄົນຕ່າງໆ.

---

ອ້າງອີງ: ຈາກປື້ມແບບຮຽນ ພາສາລາວ ຊັ້ນມັດທະຍົມສືກສາ ປີທີ 6 2015