ຈຸດປະສົງໃນການເວົ້າ ແມ່ນຫຍັງ?

ໂດຍປົກກະຕິການເວົ້າໄດ້ມີຈຸດປະສົງໃດໜຶ່ງຄື: ເພື່ອບອກ, ຖາມ, ຮ້ອງຂໍ, ເລົ່າ ຫຼື ສະແດງຄວາມນຶກຄິດຂອງຜູ້ເວົ້າ, ການເວົ້າທີ່ກ່ຽວກັບວຽກທາງລັດຖະການ ຫຼື ຕໍ່ສາທາລະ ນະຊົນ ຜູ້ເວົ້າຍ່ອມກຳນົດຈຸດປະສົງຂອງການເວົ້າໄວ້ກ່ອນແລ້ວ ເຊິ່ງຈຸດປະສົງດັ່ງກ່າວມີຄື:
(1) ເວົ້າເພື່ອແຈ້ງຂ່າວ ແມ່ນໃຫ້ຜູ້ຟັງເຂົ້າໃຈເລື່ອງຕ່າງໆ, ອາດໄດ້ແກ່ເລື່ອງຊີວິດປະຈຳວັນ, ເຫດການທີ່ເກີດຂຶ້ນໃໝ່, ຄໍາສັ່ງ ແລະ ກົດລະບຽບທີ່ຫາປະກາດອອກ.
(2) ເວົ້າເພື່ອໂນ້ມນ້າວຈິດໃຈຜູ້ຟັງ ໃຫ້ປະຕິບັດຕາມຖ້ອຍຄໍາທີ່ຊັກຈູງຂອງຜູ້ເວົ້າ ໂດຍ ໃຊ້ວິທີຊີ້ໃຫ້ເຫັນປະໂຫຍດ, ເຮັດໃຫ້ເຊື່ອ, ເຫັນດີນໍາຄວາມຄິດທີ່ສະເໜີອອກ. ການເວົ້າແບບນີ້ ຜູ້ເວົ້າມີຈຸດປະສົງຈະປ່ຽນຄວາມຄິດ ແລະ ພຶດຕິກຳຂອງຜູ້ຟັງໃຫ້ເປັນໄປຕາມຄວາມຕ້ອງການຂອງຜູ້ເວົ້າ.
(3) ເພື່ອໃຫ້ຜູ້ຟັງເກີດຄວາມຮູ້ສຶກອັນດີ ຕາມທີ່ຜູ້ເວົ້າເຄີຍໄດ້ປະສົບຜ່ານມາ) ການເວົ້າ ແບບນີ້ຕ້ອງການໃຫ້ຜູ້ຟັງເກີດຄວາມສຸກ ຫຼື ໃຫ້ຍຶດໝັ້ນໃນຄວາມດີຄວາມງາມຮ່ວມ ເຖິງການສ້າງຄວາມບັນເທີງໃຈໃຫ້ຜູ້ຟັງ.

---

ອ້າງອີງ: ຈາກປື້ມແບບຮຽນ ພາສາລາວ ຊັ້ນມັດທະຍົມສືກສາ ປີທີ 5 2014