ຄວາມໝາຍຂອງຄໍາປະສົມ ແມ່ນຫຍັງ?

ຄໍາປະສົມ ແມ່ນຄໍາທີ່ໄດ້ມາຈາກການເອົາຄໍາຫຼາຍຄໍາໂຮມເຂົ້າກັນ ເພື່ອສ້າງເປັນຄໍາໃໝ່ ການສ້າງຄໍາປະສົມນີ້ມີຫຼາຍວິທີຄື: ການປະສົມລະຫວ່າງຄໍາເຄົ້າດ້ວຍກັນ ເຊິ່ງຄໍາໃໝ່ທີ່ປະສົມ ນັ້ນແມ່ນມີແຕ່ສອງພະຍາງເຊັ່ນ: ຫ້ອງຮຽນ, ທ່າເຮືອ, ໄຟຟ້າ… ການປະສົມລະຫວ່າງຄໍາເຄົ້າ ກັບຄໍາປະສົມ ເຊິ່ງຄໍາທີ່ປະສົມແບບນີ້ແມ່ນມີສາມພະຍາງເຊັ່ນ: ພົນລະເມືອງ, ພົນລະເຮືອນ… ການປະສົມລະຫວ່າງຄໍາປະສົມກັບຄໍາເຄົ້າ ເຊິ່ງຄໍາທີ່ປະສົມແບບນີ້ແມ່ນມີສາມພະຍາງຄືກັນ ເຊັ່ນ: ໂຮງງານເຈ້ຍ, ໄຟຟ້າລາວ, ຖ້ວຍແກງໃຫຍ່… ການປະສົມລະຫວ່າງຄໍາປະສົມປະສົມກັນ ເຊິ່ງຄໍາທີ່ປະສົມແບບນີ້ມີສີ່ພະຍາງເຊັ່ນ: ທ້ອງຟ້າສີຄາມ, ນ້ຳນົມງົວພັນ, ປາແດກກົ້ນໄຫ..

---

ອ້າງອີງ: ຈາກປື້ມແບບຮຽນ ພາສາລາວ ຊັ້ນມັດທະຍົມສືກສາ ປີທີ 6 2015