ຄວາມໝາຍຂອງການແປງອັກສອນ ແມ່ນຫຍັງ?

ການແປງອັກສອນ ແມ່ນການແປງຄໍາຈາກພາສາປາລີ-ສັນສະກິດ ແລະ ພາສາອື່ນມາເປັນ ພາສາລາວ. ພາສາປາລີ-ສັນສະກິດ ເປັນພາສາທີ່ໃຊ້ຄໍາຫຼາຍພະຍາງ ແລະ ມີການປະສົມກັນ ຫຍຸ້ງຍາກ, ແຕ່ພາສາເຫຼົ່ານີ້ໄດ້ມາສັບປົນຢູ່ໃນພາສາລາວເປັນເວລາດົນນານແລ້ວ ຈົນໄດ້ກາຍເປັນ ພາສາສ່ວນປະກອບທີ່ສໍາຄັນຢູ່ໃນຄັງສາງສັບພາສາລາວ. ດັ່ງນັ້ນ, ຢູ່ໃນຄໍາເວົ້າຂອງເຮົາຈຶ່ງມີຄໍາ ພາສາປາລີ-ສັນສະກິດສັບປົນຢູ່ຫຼາຍ ແຕ່ຄໍາເຫຼົ່ານັ້ນບໍ່ແມ່ນຄໍາພາສາປາລີ-ສັນສະກິດເດີມ ເພາະວ່າ ໄດ້ດັດແປງມາເປັນຄໍາເວົ້າຂອງລາວທີ່ມີສຽງອ່ອນນວນມ່ວນກວ່າສຽງເດີມ ໂດຍໄດ້ດັດແປງຕັດຮອນ ຮູບຄໍາເດີມໃຫ້ສັນເຂົ້າ ແລະ ມີພະຍາງໜ້ອຍກວ່າເກົ່າ ເພື່ອສະດວກໃນການອ່ານອອກສຽງ.

---

ອ້າງອີງ: ຈາກປື້ມແບບຮຽນ ພາສາລາວ ຊັ້ນມັດທະຍົມສືກສາ ປີທີ 6 2015