ຄວາມໝາຍຂອງບົດວິຈານ ແມ່ນຫຍັງ?

ບົດວິຈານ ແມ່ນບົດແຕ່ງປະເພດໜຶ່ງ ເຊິ່ງອີງໃສ່ຄວາມຮູ້, ຄວາມຄິດ ແລະ ທັດສະນະ ຫຼັກໝັ້ນຂອງຜູ້ຂຽນເພື່ອສັງເກດເບິ່ງບັນຫານັ້ນວ່າຖືກ ຫຼື ຜິດ. ຈາກນັ້ນ, ກໍຖອດຖອນເອົາຄວາມໝາຍ ແລະ ຄຸນປະໂຫຍດຂອງບັນຫານັ້ນໂດຍມີການຕຳໜິ, ການພິຈາລະນາ ແລະ ການຄົ້ນຄິດຕຶກຕອງໄປພ້ອມ. ບໍ່ວ່າວຽກງານຈະຮ້າຍ ຫຼື ດີ, ຖືກ-ຜິດ ກໍສາມາດຍົກຂຶ້ນມາວິຈານໄດ້ ຕາມທໍາມະດາແລ້ວ ການວິຈານບັນຫາໃດໜຶ່ງ ແມ່ນຍ້ອງຍໍສິ່ງທີ່ຖືກຕ້ອງ ແລະ ຕຳໜິສິ່ງທີ່ ຜິດພາດຂອງບັນຫາດັ່ງກ່າວ ເພື່ອເຮັດແນວໃດໃຫ້ຜູ້ອ່ານມີຄວາມຮັບຮູ້ ແລະ ນໍາໄປເຖິງການກະທໍາທີ່ຖືກຕ້ອງ.

ອ້າງອີງ: ຈາກປື້ມແບບຮຽນ ພາສາລາວ ຊັ້ນມັດທະຍົມສືກສາ ປີທີ 6 2015