ຄວາມເປັນສ່ວນຕົວ (Information Privacy) ແມ່ນຫຍັງ?

ໝາຍເຖິງສິດສ່ວນຕົວຂອງບຸກຄົນ, ໜ່ວຍງານ ຫຼື ອົງກອນທີ່ຈະຄົງໄວ້ເຊິ່ງຂໍ້ມູນຂ່າວສານທີ່ມີຢູ່ ນັ້ນ ເພື່ອຕັດສິນວ່າຂໍ້ມູນຂ່າວສານດັ່ງກ່າວສາມາດເປີດເຜີຍ ຫຼື ຍິນຍອມໃຫ້ຜູ້ອື່ນນໍາໄປໃຊ້ປະໂຫຍດຕໍ່ ຫຼື ເຜີຍແຜ່ໄດ້ ຫຼື ບໍ່ ຫາກມີການນໍາໄປໃຊ້ແລ້ວຈະຈັດການກັບສິດດັ່ງກ່າວແນວໃດ ເຊິ່ງເປັນສິ່ງທີ່ເຈົ້າ ຂອງສິດຄວນຈະໄດ້ຮັບຮູ້ ແລະ ດ້ວຍເຫດທີ່ສັງຄົມຍຸກຂໍ້ມູນຂ່າວສານມີການຈະເລີນເຕີບໂຕຢ່າງຕໍ່ເນື່ອງ ອີກທັງຂໍ້ມູນມີການເຜີຍແຜ່ ແລະ ເອີ້ນໃຊ້ງານຢ່າງຫຼວງຫຼາຍ ການຄວບຄຸມບໍ່ໃຫ້ມີການລະເມີດ ສິດຄວາມເປັນສ່ວນຕົວນັ້ນອາດເຮັດໄດ້ຄ້ອນຂ້າງຍາກ ໂດຍສະເພາະໃນຍຸກທີ່ອິນເຕີເນັດຟື້ນຟູ ແລະ ຄົນທົ່ວໄປສາມາດເຂົ້າເຖິງຂໍ້ມູນໄດ້ໂດຍງ່າຍ ເຮົາອາດພົບເຫັນການລະເມີດຄວາມເປັນສ່ວນຕົວໂດຍ ທົ່ວໄປເຊັ່ນ ມີການໃຊ້ໂປຣແກຣມຕິດຕາມ ແລະ ສໍາຫຼວດພຶດຕິກຳຂອງຜູ້ທີ່ໃຊ້ງານໃນເວັບໄຊທ໌ ແລະ ລວບລວມຂໍ້ມູນສ່ວນຕົວຂອງຜູ້ໃຊ້ໄປສົ່ງໃຫ້ (ເຊັ່ນການຝັງ cookie ໃນບຣາວເຊີ ຫຼື ໃຊ້ Facebook Pixel) ຜູ້ເຮັດໂຄສະນາອອນລາຍ ເພື່ອວິເຄາະຫາລູກຄ້າກຸ່ມເປົ້າໝາຍສໍາລັບການສົ່ງ ໂຄສະນາໄປໃຫ້ ຜ່ານອີເມລ ຫຼື ສື່ອອນລາຍຄື Facebook ຫຼື ອື່ນໆ ເຊິ່ງຜູ້ໃຊ້ງານບໍ່ມີທາງຮູ້ເລີຍວ່າຂໍ້ມູນຂອງເຮົານັ້ນ ໄດ້ຖືກນໍາໄປໃຊ້ບ່ອນໃດແດ່, ມີຂໍ້ມູນສ່ວນໃດທີ່ຖືກນໍາໄປໃຊ້, ແມ່ນໃຜເປັນຄົນໃຊ້ ແລະ ຈະກໍ່ໃຫ້ເກີດ ຄວາມບໍ່ເປັນສ່ວນຕົວຕາມມາແນວໃດ.

ອ້າງອີງ: ຈາກ ປື້ມ ເທັກໂນໂລຢີຂໍ້ມູນຂ່າວສານ (Information Technology) ປີ 2019 , ສະຖາບັນ ເຕັກໂນໂລຊີ ສຸດສະກະ