ຄວາມໝາຍຂອງໄປສະນີຍະບັດ ແມ່ນຫຍັງ?

ໄປສະນີຍະບັດ ແມ່ນແຜ່ນເຈ້ຍແຂງພໍສົມຄວນ ທີ່ໃຊ້ຂຽນຈົດໝາຍສົ່ງທາງໄປສະນີ. ໃນໄປສະນີຍະບັດ ແຕ່ລະແຜນຈະມີບ່ອນທີ່ໃຊ້ຂຽນຂໍ້ຄວາມ ຫຼື ຈົດໝາຍໃສ່ ແຕ່ມີເນື້ອທີ່ຈຳກັດ ເຊິ່ງຈຳເປັນຈະຕ້ອງຂຽນຂໍ້ຄວາມສັ້ນ ແລະ ຫຍໍ້ທີ່ສຸດເທົ່ານັ້ນ, ພ້ອມກັນນີ້, ບາງໄປສະນີຍະບັດຍັງມີທັງທີ່ຢູ່ຂອງຜູ້ສົ່ງ ແລະ ຜູ້ຮັບນໍາອີກ. ເວລາສົ່ງໄປສະນີຍະບັດຊະນິດນີ້, ຜູ້ສົ່ງບໍ່ຈຳເປັນເອົາໃສ່ໃນຊອງກໍໄດ້. ສ່ວນຊະນິດທີ່ບໍ່ມີບ່ອນຂຽນທີ່ຢູ່ຂອງຜູ້ສົ່ງ ແລະ ຜູ້ຮັບນັ້ນ ຈໍາເປັນຕ້ອງໄດ້ເອົາໃສ່ໃນຊອງກ່ອນຈະສົ່ງ.

---

ອ້າງອີງ: ຈາກປື້ມແບບຮຽນ ພາສາລາວ ຊັ້ນມັດທະຍົມສືກສາ ປີທີ 2 2011