ຄວາມສໍາຄັນຂອງການເວົ້າໃນໂອກາດຕ່າງໆ ແມ່ນຫຍັງ?

ການເວົ້າເປັນສິ່ງຈໍາເປັນທີ່ສຸດໃນຊີວິດປະຈຳວັນ. ເພາະຄົນເຮົາຕ້ອງມີການເຮັດວຽກຮ່ວມກັນໃນສັງຄົມ. ດັ່ງນັ້ນ, ການເວົ້າໃນໂອກາດຕ່າງໆ ຍັງເປັນສິ່ງຈໍາເປັນທີ່ຄົນເຮົາໄດ້ເຮັດຢູ່ສະເໝີ ແລະ ຖືເປັນການປະຕິບັດຢ່າງໜຶ່ງທາງສັງຄົມເຊັ່ນ: ການເວົ້າແນະນໍາ, ການຕອບຮັບ, ເວົ້າຂອບໃຈ, ເວົ້າໄວ້ອາໄລເປັນຕົ້ນ ຄໍາເວົ້າຕ່າງໆນີ້ຖ້າຜູ້ມີປະສົບການດີ, ມີຄວາມຮູ້ຮອບດ້ານ, ສະຫຼຽວສະຫຼາດກໍສາມາດແກ້ໄຂ ບັນຫາຕ່າງໆໄດ້ເປັນຢ່າງດີ ຈົນເຮັດໃຫ້ການເວົ້າມີປະສິດທິຜົນໄດ້ ແຕ່ຜູ້ບໍ່ມີປະສົບການ ຫຼື ມີປະສົບການໜ້ອຍ ກໍຈຳເປັນຕ້ອງມີການກຽມຕົວ ເພື່ອເພີ່ມຄວາມໝັ້ນໃຈໃນຕົນເອງ.

---

ອ້າງອີງ: ຈາກປື້ມແບບຮຽນ ພາສາລາວ ຊັ້ນມັດທະຍົມສືກສາ ປີທີ 2 2011